O cidadán perfecto

O cidadán perfecto podería ser calquera habitante de Biotrés, unha cidade abondo grande para que todo o mundo se poida sentir cómodo e crea que é libre.
Unha cidade onde non existen a imperfección, nin a vellez, nin a enfermidade, pero onde tampouco está permitido rir, soñar, nin ter unha vocación. Mais toda esta perfección comezará a cambalear o día que lle chegan ao xefe de Escrutinio uns informes desconcertantes que poñen en dúbida as certezas máis fondas desta sociedade e que descobren outras maneiras de relacionarse, de vivir e de morrer.